Velkomin(n/ð) á árlegu kennsluráðstefnu Kennslu- og upplýsingatæknimiðstöðvar Háskólans á Akureyri

Smelltu hér til að opna Zoom hlekkinn fyrir ráðstefnuna

Dagskrá

Hlaða niður PDF skrá af dagskránni (væntanlegt)

13:00
Eyjólfur Guðmundson, Rektor Háskólans á Akureyri, setur ráðstefnuna

13:05

Erindi frá stúdentum Háskólans á Akureyri

Silja Rún Friðriksdóttir, forseti Stúdentafélags Háskólans á Akureyri

13:15

Rethinking Student Engagement in Introduction to Biotechnology in the Post-Pandemic Era

Sean Michael Scully, Aðjúnkt HA

Introduction to Biotechnology (LFT1106) is a first year course required of all incoming biotechnology students. The class has been taught in a hybrid format for the past 6 years, with streaming options for distance students wishing to engage in real-time with recording made available for those studying asynchronously. Student engagement data indicates a noteworthy decrease in in-person class attendance as well as a decrease in the hours of lecture recording viewed with most of the recording only being accessed within the last few weeks of the course. Prior to the pandemic, efforts had been made to increase student engagement through a variety of manners, notably “chunking”, the inclusion of ethical topics through media and a hands-on “@Home” series of experiments. These efforts were made more pressing during the pandemic and spawned several ideas about expanding these types of projects to co-align with the subject matter and drive engagement to aid students in keeping up with the material and building skills to support their learning in subsequent courses. Examples of efforts to date will be presented as well as plans for future course development and systematic data collection efforts to falsify the efficacy of such an approach in asynchronous environments.

13:45

Kynning á fyrirkomulagi

Fyrirkomulag ráðstefnunnar eru hringborðsumræður (e. Round table). Það verða tvær umferðir af hringborðsumræðum sú fyrri kl. 13:50 og seinni umferð kl. 15:00.

Hvert erindi er 15 mínútur, 10 mínútur í framsögu og 5 mínútur í umræður. Stjórnandi er á hverju borði sem sér til þess að skiptingar á milli erinda gangi snurðulaust fyrir sig.

13:50 Hringborðsumræður

Borð 1

Using AI to support the Teaching and Research Activities of a Dyslexic University Lecturer

Dr. Andrew Paul Hill, Lektor HA

Using AI to support the Teaching and Research Activities of a Dyslexic University Lecturer.

Notkun sýndarveruleika við kennslu

Leifur Gauti Sigurðsson, Lögreglufulltrúi

Við verðum að vera opin fyrir nýjungum við kennslu. Þar sem tæknin þróast hratt þurfum við að hafa augun opin fyrir hvernig við getum aðlagað kennslunni okkar að nýjustu tækninni. Einnig þurfum við að velta upp þeirri spurningu hvort nýjasta tækni auki gæði kennslunnar eða ekki? Eitt er víst að kennslan má ekki standa í stað heldur þarf hún að þróast, vera ögrandi fyrir nemendur og um fram allt skemmtileg því þá náum við best að virkja nemendur okkar.

Hér verður fjallað um sýndarveruleika við kennslu og hverjir helstu kostir eru við það. Einnig verður velt upp hvort sýndarveruleiki er bara einhver „bóla“ eða kominn til að vera.

Notkun gervigreindar við verkefnaskrif

Birgir Guðmundsson, Prófessor HA

Í námskeiðinu Íslenskir fjölmiðlar, sem snýst um íslenska fjölmiðlasögu hefur undanfarin ár verið gerð krafa um að skrifa ritgerð um tiltekinn fjölmiðil á 20. öld. Haustið 2023 var ákveðið að breyta aðeins áherslum m.a. i ljósi mikillar umræðu um gervigreind og möguleika hennar. Uppleggi verkefnisins var því breytt og nemendur beðnir um að láta gervigreindarforrit skrifa ritgerð um tiltekinn fjölmiðlil. Verkefni þeirra fólst síðan í því að taka ritgerð gervigreindarinnar og rýna hana með tilliti til réttmætis upplýsinga, heimilda, yfirsýnar og málfars. Nemendur skiluðu síðan greinargerð með rýni sinni sem var þá ígildi ritgerðar um miðilinn.

Þetta verkefni fékk góðar viðtökur og virtust nemendur hafa gaman af þessu nýja formi á "ritgerðarsmíð".

Námsmarkmiðin með þessari tegund verkefnis voru eftirfarandi.

a) Að fá nemendur til að kynna sér ítarlega sögu tiltekins fjölmiðils

b) Að þjálfa nemendur í að lesa texta og rýna hann út frá heimildum, upplýsingum og málfari

c) Að auka skilning nemenda á kostum og göllum gervigreindar á því þróunarstigi sem hún var á þeim tíma, hvar hún hjálpar og hvar ekki.

Hvernig neðansjávardróni hefur nýst í kennslu í sjávarútvegsfræði

Magnús Víðisson, Aðjúnkt HA

Árið 2022 fengum við í sjávarútvegsfræðinni styrk frá Orkurannsóknarsjóði Landsvirkjunnar til þess að kaupa neðansjávardróna fyrir kennslu. Neðansjávardróninn hefur nýst vel í verklegum æfingum í Sjávarlíffræði og Stofnstærðarfræði. Fyrir komu drónans voru nemendur að taka sýni úr sjó, en í dag gera þau það áfram auk þess að mynda hvað er fyrir neðan þau. Dróninn nýtist til þess að rannsaka líf á botninum hér í Eyjafirði í sjávarlíffræði og gera gervi stofnstærðarmælingu með sjónrænu mati með myndefni úr drónanum. Mun ég fjalla um hvernig dróninn hefur verið nýttur og hvernig við getum nýtt hann á öðrum sviðum.

Borð 2

Akademískt læsi og farsæld í háskólanámi

Ingibjörg Sigurðardóttir, Aðjúnkt HA

Hugtakið læsi hefur verið notað í hefðbundinni merkingu, það er hæfni í lestri og ritun, en einnig um fjölbreyttari færni til að lesa í inntak margvíslegra þátta samfélagsins, til að mynda hvers konar tákn, myndir, hönnun og samskipti, enda hefur textahugtakið gjarnan notað í fleiri en einni merkingu. Í þessu sambandi er til dæmis talað um upplýsingalæsi, fjölmiðlalæsi og menningarlæsi svo fátt eitt sé nefnt.

Háskólasamfélag er menningarheimur þar sem ákveðnar hefðir og vinnubrögð eru ástunduð en þetta þurfa nemendur að tileinka sér. Erlendis hefur færni á þessu sviði gjarnan verið nefnt akademískt læsi og talin undirstaða fyrir aðlögun nemenda og farsældar í námi. Hérlendis eru vissulega margir þættir í akademísku læsi kenndir í háskólum, einkum á fyrsta ári í grunnnámi. Spurningin er aftur á móti sú hvort lögð hafi verið nægilega meðvituð áhersla á þennan grunnþátt menntunar í uppbyggingu námsbrauta, ekki síst vegna síbreytilegrar samfélagsgerðar, vaxandi aðsóknar í háskóla og fjölbreyttari bakgrunns nemenda á undanförnum áratugum.

Í erindinu verður fjallað um skilgreiningar á því hvað felist í akademísku læsi og kennslu þess hérlendis í samhengi við þróunarvinnu í vinnulagsnámsskeiði fyrir fyrsta árs nema í Félagsvísindadeild HA.

Siðfræðikennsla utan heimspekideilda: Áskoranir í þverfaglegri kennslu

Garðar Ágúst Árnason, Prófessor HA

Siðfræði er sú grein heimspekinnar sem oftast er kennd á námsbrautum utan heimspekideilda. Ýmist taka háskólakennarar í heimspekideildum að sér siðfræðikennslu í öðrum deildum (service teaching), eru ráðnir til starfa við bæði heimspekideild og aðra deild (cross-appointment), eða eru ráðnir alfarið við aðra deild en heimspeki til að sinna kennslu í siðfræði eða heimspekilegum þáttum viðkomandi fræðigreinar. Sem heimspekimenntaður kennari hef ég kennt siðfræði við lagadeild, læknadeild og nú kennaradeild. Það felast ýmsar áskoranir í því að kenna siðfræði eða heimspeki í námi utan heimspekinnar. Nemendur hafa alla jafna lítinn eða engan grunn í heimspeki eða heimspekisögu og oft lítinn áhuga. Efnistök, áherslur, aðferðir og umræðuhefð siðfræðinnar getur verið framandi fyrir stúdenta sem ekki hafa lært heimspeki. Auk þess er umdeilt hversu mikla áherslu á að leggja á siðfræðikenningar, hve mikla á siðareglur og annað regluverk, og hve mikla á hagnýta greiningu siðferðilegra vandamála sem tengjast viðkomandi fræðigrein eða starfi beint. Í þessu erindi íhuga ég helstu áskoranir og reynslu mína af því að þróa námskeið í siðfræði og heimspeki fyrir aðrar fræðigreinar en heimspeki, sérstaklega fyrir menntavísindi og kennslufræði, og athuga hvaða ályktanir megi draga af því um þverfaglega kennslu.

Laerdal tilfellaský og hermikennsla hjúkrunarnemenda við Háskólann á Akureyri

Þórhalla Sigurðardóttir, Aðjúnkt HA

Grunnnám við hjúkrunarfræðideild Háskólans á Akureyri er fjögra ára nám, eftir fyrsta misseri eru haldin samkeppnispróf og komast 75 nemendur áfram. Hermikennsla er hluti af kennslu hjúkrunarnema og er kennd öll misserin fyrir utan fyrsta misseri vegna samkeppnisprófa og síðasta misserið. Hermikennsla er hluti af námi hjúkrunarnema, þar er hægt að setja nemendur í sviðsettar aðstæður t.d. á sjúkrastofnunum, heimahúsi eða öðrum stöðum þar sem hjúkrunarfræðingar starfa. Farið er yfir tilfelli undir styrkri leiðsögn hermikennslukennara. í hermikennslu er mistök leyfileg og reynt er að læra af þeim og rýna betur í hvað gekk vel og hvað hefði mátt betur fara. Mikil vinna fylgir því að búa til tilfelli sem nemendur leysa og þurfa þau að hæfa þeirra getu hverju sinni í náminu. Háskólinn á Akureyri er með kostaðan aðgang að tilfellaskýi frá Laerdal sem framleiða einnig hermikennsludúkkur sem notaðar eru í kennslu hjúkrunarnema. Í kynningu sem ég hef fyrirhugað að halda mun ég kynna Laerdal scenario cloud eða tilfellabanka frá Laerdal og hvernig við hermikennslukennarar höfum nýtt hann í kennslu hjúkrunarnemenda við Háskólann á Akureyri. Þetta er reynsla mín af innleiðingu nýrrar tækni í kennslu.

Afbrot á Íslandi – staða og þróun

Guðmundur Oddsson, Prófessor HA

Þrátt fyrir að alla jafna sé auðsótt að vekja áhuga háskólanema á afbrotafræði sem fræðigrein er snúnara að gera afbrotatölfræði að spennandi viðfangsefni í þeirra huga. Sú leið sem hefur reynst mér hvað árangursríkust í þessum efnum er að virkja nemendur með því að láta þá vinna með raunverulega afbrotatölfræði. Í erindi mínu mun ég kynna hópverkefni þar sem nemendur leysa hópverkefni um stöðu og þróun afbrota á Íslandi með því að nota opinbera afbrotatölfræði Ríkislögreglustjóra og brotaþolakannanir (e. victimization surveys). Reynslan sýnir að verkefnavinnan er mjög upplýsandi fyrir nemendur, hvetur til umræðna um raunverulegt umfang afbrota og hjálpar til við að gera afbrotatölfræði „áþreifanlegri“ fyrir nemendum. Hópverkefnið byggir á reynslu minni af hópverkefnum í hefðbundinni staðarkennslu við Norður Michigan-háskóla og hópverkefni í staðarlotum í blönduðu námi við Háskólann á Akureyri.

Borð 3

Improving Online Learning: How Demonstrations Enhance Teaching and Engagement

Audrey Louise Matthews, Lektor HA

Practical demonstrations have been shown to enhance classroom learning, especially when dealing with complex and abstract concepts in the sciences, and there is a long history of effective and engaging demonstration presentations in person. However, online teaching may present challenges with respect to employing teaching methods such as this. The Open University, which is the most established distance learning provider of higher education in the UK, provides experimental kits which are sent to students following some science courses, so that they can observe and experience aspects of their studies at home. In this presentation I aim to explore the possibilities of enhancing the online student learning experience, using engaging demonstrations and practical exercises at home.

Hybrid Teaching and Learning: Opportunities and Challenges

Cynthia Thuy Dinh, Lektor HA

Blended teaching and learning present numerous advantages in contemporary higher education settings, particularly at the University of Akureyri, which caters to diverse student groups, both online and onsite. However, despite its benefits, this approach may encounter challenges that could impede desired outcomes. In this session, I prresent my approach to integrating and expanding upon the concept of "blended teaching and learning" within my course curriculum. The session further explores optimal scenarios for employing this approach and identifies key considerations to prevent any degradation in the quality of teaching and learning experiences.

Enhancing Assessment Practices in Higher Education: A Case Study of Developing and Validating a Multiple-Choice Question Test

Jette Jörgensen Mebrouk

Assessment of students' achievement of learning objectives stands as a pivotal component in higher education, necessitating the utilization of valid and relevant summative assessment methods. This presentation delves into the author's comprehensive endeavor to develop and validate a multiple-choice question (MCQ) test tailored for GEA0102 - Fundamentals of Qualitative Research Methodologies, an undergraduate course.

Starting in 2023, the process began, marking the inception of an ongoing journey. Leveraging statistics from Inspira, the exam platform, the author integrates examination data into a continuous quality assurance framework. Emphasizing the significance of statistical analysis in test validation, this session offers insights into the systematic review and validation processes employed.

Furthermore, it is argued that great attention to a continuous process of quality assurance is fundamental to valid testing tools, like an MCQ test. By shedding light on this systematic approach, the aim of this presentation is to contribute to discussions on assessment practices in higher education.

Fall, Laugh, Try Again: Normalizing Mistakes as Learning Opportunities in University Teaching

Richard Taehtinen, Dósent HA

In this presentation, I will share my personal journey and the on-going development as a university educator. Through the, sometimes humorous, mistakes and valuable lessons learned along the way, I will highlight how mistakes have not only shaped my teaching methods but, in many ways, also enhanced my interactions with students. Beginning with my initial steps in academia, I will recount instances where things did not go as planned, such as misinterpreted assignments, unexpected classroom scenarios, and technology fails. These examples will serve as a springboard to discuss the importance of adaptability, the power of not taking oneself too seriously, and the critical role of values and reflective practice in teaching. Furthermore, by intertwining my experiences with themes of acceptance and self-compassion, I will attempt to convey a message about the importance of embracing our imperfections as educators, not only to be more open to personal and professional growth, but also to increase well-being at work. By sharing these experiences, I hope to encourage fellow educators to view their teaching mishaps not just as errors (and especially not just as personal flaws), but as invaluable learning opportunities.

14:50 Hlé

15:00 Hringborðsumræður

Borð 4

"Má ekki missa af...": Um námssamfélag nemenda

Ingileif Ástvaldsdóttir, Aðjúnkt HÍ

Ég kenni að mestu námskeið á meistarastigi sem kennd eru í fjarnámi, námi sem er blanda af netkennslu og tveimur staðlotum þar sem nemendum stendur til boða að mæta í tíma “í húsi”. Ég, eins og aðrir kennarar, hef fundið fyrir minnkandi áhuga nemenda til að mæta í tíma hvort sem um nettíma eða staðlotur er að ræða. Litlu máli virðist skipta hvort í tímana er frjáls mæting eða skyldumæting. Þetta er vissulega krefjandi staða fyrir kennslukonu sem finnst fátt skemmtilegra en að hitta nemendur sína. En þessi staða hefur líka verið mér hvatning til að rýna í uppbyggingu námskeiðanna sem ég hef umsjón með og með hvaða hætti ég skipulegg kennsluna á hverju námskeiði fyrir sig. Þess vegna hef ég einsett mér í upphafi hvers misseris að skoða markvisst hvernig ég set námskeiðin saman með það í huga hvernig kennslunni er komið fyrir þannig að nemendur finni á eigin skinni hvernig samvera þeirra, bæði á netinu og á staðnum, getur auðgað lærdóm þeirra, styrkt tengslanet þeirra og síðast en ekki síst, verið þeim hvatning til að vera virkir í námssamfélagi hvers námskeiðs.

Í erindinu áforma ég að segja frá því hvernig ég hef nálgast þessa áskorun með því að deila með áheyrendum dæmum að skipulagi og verkfærum sem hafa reynst vel bæði í tímum á netinu og staðlotum.

Samskipti við nemendur í sveigjanlegu námi: áskoranir og lausnir til að mynda persónulegt námsumhverfi

Sigfríður Inga Karlsdóttir, Prófessor HA

Í erindinu verður fjallað helstu áskoranir við það að halda í persónulegt námsumhverfi í sveigjanlegu háskólanámi og reynslu af því að kenna annars vegar í hefðbundinni kennslu í stofu og hins vegar af því að kenna í sveigjanlegu námi. Í Háskólanum á Akureyri hefur verið lögð áhersla á að halda í persónulegt námsumhverfi og tengsl við nemendur í sístækkandi nemendahópum í sveigjanlegu námi. Þar sem samskipti við nemendur fara í æ meira mæli fram í gegnum rafræn samskipti, er það oft áskorun að mynda persónulegt námsumhverfi. Helstu áskoranir sem fylgja sveigjanlegu námi eru oft tengdar skorti á samskiptum augliti til auglitis, tæknilegum hindrunum, erfiðleikum við að halda áhuga og virkni nemenda í náminu og einnig því að efla samskipti milli kennara og nemenda, en einnig á milli nemenda. Einnig geta hindranir birst í því að nemendur einangrist frekar í sveigjanlegu námi, eigi erfitt með að stjórna tíma sínum og því að forgangsraða náminu. Til að takast á við þessar áskoranir þarf að blanda saman skilvirkum samskiptaaðferðum, tæknilegum stuðningi og markvissri þátttöku bæði kennara og nemenda. Með því að hvetja til reglulegra samskipta, bjóða upp á aðgengileg úrræði og efla samfélagsvitund er hægt að draga úr ýmsum hindrunum tengsla í sveigjanlegu námi.

Þarfagreining fjarnema við Háskólann á Akureyri

Verena Karlsdóttir, Aðjúnkt HA

Eftir heimsfaraldur COVID-19 hefur fjarnám bæði aukist og hefur öðlast mikilvægara sess í háskólanámi. Þetta undirstrikar nauðsyn þess að skilja sérþarfir fjarnema til að efla námsupplifun þeirra. Rannsóknin leggur upp með ítarlega úttekt hjá fjarnemum Háskólans á Akureyri á námsáhuga og viðhorfum til námsmats ásamt hverjar séu akademísku þarfirnar. Markmiðið er að greina heildstætt þarfir nemenda, ásamt því að gefa innsýn í hvernig nemendur kjósi að læra og hvernig þeir nálgist námsefni á netinu. Rannsóknin mun einnig taka fyrir hvernig nemendurnir upplifa námsmat það sem þau fá í námskeiðum sínum.
Ítarleg könnun var send til allra fjarnema við skólann á vorönn 2024 sem náði yfir fjölbreytta þætti svo sem námsþarfir, námsaðferðir, samspil við stafrænt efni og afstöðu nemenda til námsmats. Greiningin leiddi í ljós mynstur og tengsl sem veita dýrmæta sýn inn í hvað fjarnemendur þarfnast og vilja. Niðurstöðurnar ættu að stuðla að gagnreyndum umbótum í fjarnámsáætlunum skólans, með það að markmiði að bæta og aðlaga námsumhverfið að þörfum og óskum fjarnemenda.

Mikilvægi þess að virkja virkja nemendur og kveikja áhuga þeirra á faginu

Hafdís Björg Hjálmarsdóttir, lektor

Í erindi mínu kynni ég breytta uppsetningu á tveimur námskeiðum, sem ég hef farið út í með aðstoð Kennslumiðstöðvar. Ljóst er að með breyttum kennsluháttum í blönduðu námi þarf að nálgast nemendur í þeim tilgangi að fá þau til að vera virk. Nemendur mæta æ sjaldnar í kennslustofuna, og þá skiptir máli að breyta fyrirkomulaginu á þann máta að mæta þeim rafrænt. Í námskeiðunum sem um ræðir hef ég notað upptökur af fyrirlestrum, verkefnatíma þar sem skylda er að mæta og veitt nemendum ákveðið frelsi við að hanna kynningar sýnar. Ég hef gætt þess að hitta nemendur, rafrænt eða í stofu, sérstaklega ef um fyrsta árs nemendur er að ræða. Það sem virkilega hefur vakið áhuga þeirra er svokölluð case-vinna og hlaðvörp með aðilum úr atvinnulífinu. Smærri verkefni eru unni jafnt og þetta og spurt t.d. útí hlaðvörpin til að halda þeim við efnið. Mikil áhersla er einnig á fræðileg vinnubrögð.

Borð 5

Laugi laganemi og raunhæfu verkefnin hans

Valgerður Guðmundsdóttir, Lektor HA

Það er nokkuð algengt í lögfræði að nemendur þurfi að læra töluvert af dómsmálum, og annars konar fordæmum, í námi sínu. Minna hefur farið fyrir því á undanförnum áratugum að þeir hafi þurft að heimfæra þekkingu sína á tilbúin en raunhæf verkefni. Slíkt hefur þó færst sífellt í aukana síðastliðin ár og er nú komið svo að allmörg skyldunámskeið laganema innihalda einhver slík. Jafnvel að þau séu orðin hluti af námsmati viðkomandi námskeiðs. Í þessu erindi verður leitast við að skoða hvort og hvernig slíkt geti nýst sem tæki til að þróa þekkingu nemandans í faginu. Einnig verður skoðað hvernig hægt er að innleiða slík verkefni í kennslu, bæði í raun- og netheimum.

Rýnt til gagns

Svava Björg Mörk, Lektor HA

Í erindinu velti ég fyrir mér mikilvægi starfendarannsóknar í háskólakennslu og hvernig jafningjastuðningur er mikilvægur þáttur í starfi sem stundum getur verið einmanna. Með því að gera starfendarannsóknir hef ég breytt starfsháttum, endurmetið sjálfa mig í samvinnu með samkennurum mínum, rýnt í skipulag námskeiða og hvernig ég skipulegg tímann minn. Ég hef gert mér grein fyrir álagsþáttum í eigin starfi og í framhaldi af því breytt eða unnið að breytingu í eigin skipulagi. Ég mun einnig rýna í hvernig námskeiðið háskólanám og háskólakennsla hefur stutt við þessa vegferð.

Sveigjanlegt nám – Hagnýting og hindranir: ,,Að hafa svigrúm og tækifæri til náms“

Rósíka Gestsdóttir, Háskólakennari HA

Í þessu erindi verður fjallað um sveigjanlegt nám og hvað er fólgið í þeim möguleika í tengslum við kennslu og nám innan háskólasamfélagsins, hagnýtingu og hindranir. Fjallað verður jafnframt um persónulega reynslu fyrirlesara og nemenda um sveigjanlegt nám við Háskólann á Akureyri. Síðastliðin ár hefur tölfræði sýnt fram á að nemendum í fjarnámi hefur farið fjölgandi við Háskólann á Akureyri sem býður upp á möguleikann á sveigjanlegu námi. Álykta má því að sveigjanlegt nám geti verið gagnlegt hvað varðar kennslu og fyrir nemendur að hafa meira svigrúm til að stunda nám hvar sem eru staðsettir í heiminum. Þó er hægt að ígrunda ýmis atriði varðandi sveigjanlegt nám svo sem hvort slíkt geti leitt af sér aukið sjálfstæði og frjálsræði nemenda eða hvort verði að vera ákveðnar kröfur fyrir hendi varðandi námsmat og skyldumætingu? Hvort geti verið um ópersónuleg samskipti að ræða þar sem kennari hittir oft lítið nemendur á meðan námi stendur og hvort slíkt hafi áhrif á skilning og námsmat? Hvort sveigjanlegt nám ætti að vera einstaklingsmiðað með þarfir nemenda í huga? Síðast en ekki síst hvort sveigjanlegt nám sé árangursríkur möguleiki í þróun kennslu innan háskólasamfélagsins til framtíðar?

Notkun á Padlet í kennslu

Kolbrún Sigurlásdóttir, Aðjúnkt HA

Það er hægt að nota padlet á mjög fjölbreyttan hátt tengt kennslu. Umræðuefnið sem mig langar að taka fyrir hér er hvernig ég nota padlet við verkefnaskil og við skipulag á hermikennslu í lotu.
Tengt verkefnaskilum að hafa verið átta til níu nemendur sem eru að vinna saman. Hóparnir hafa verið sjö til átta, fer eftir fjölda nemenda á hverju ári. Hver og einn hópur fjallar um eitt ákveðið viðgangsefni sem þau setja svo inn á vegginn. Enginn hópur hefur sama viðfangsefnið. Kostur við þetta fyrirkomulag er að allir nemendur áfangans geta farið yfrir það sem aðrir nemendur eru að gera og aukið þannig á sína þekkingu.
Ég mun einnig segja hvernig ég nota padlet við skipulag í lotu tengt hermikennslu hjá hjúkrunarfræðinemendum á 1 og 2 ári við Háskólann á Akureyri. Við notuðum þetta í fyrsta skiptið núna eftir áramót.

Borð 6

„Það er meiri áhersla á að njóta þess að vera í námi þegar einkunnir eru ekki til staðar“: Reynsla háskólakennara af því að samtvinna hugmyndafræði leiðsagnarnáms og fullorðinsfræðslu í starfstengdu námi á framhaldsstigi.

Íris Hrönn Kristinsdóttir, Kennsluráðgjafi HA og Sigríður Ingadóttir Sérfræðingur HA

Markmið starfendarannsóknarinnar var að öðlast skilning á árangursríku leiðsagnarnámi og endurgjöf í háskólanámi. Í rannsókninni var leitast við að efla nám og kennslu í námskeiðinu Leiðtogi í læsi á vegum Miðstöðvar skólaþróunar við Háskólann á Akureyri með því að samtvinna hugmyndafræði leiðsagnarnáms og fullorðinsfræðslu. Námskeiðið Leiðtogi í læsi er hagnýtt, starfstengt nám fyrir starfandi kennara. Markmið námsins er að styrkja kennara sem faglega leiðtoga í námssamfélagi læsiskennara á yngsta stigi.

Rannsóknin var unnin skólaárið 2022-2023. Rannsakendur eru kennarar í námskeiðinu en auk þeirra komu nemendur í námskeiðinu að rannsókninni með því að taka þátt í rýnihópaviðtölum. Niðurstöður rannsóknarinnar benda til þess að fyrirkomulagið staðið/fallið henti vel sem námsmat í námskeiðinu og að þær aðferðir leiðsagnarnáms sem unnið var með komi vel út og styðji við nám nemenda. Ennfremur kom fram að endurgjöf og leiðsögn ýtti undir sjálfstraust nemenda og trú þeirra á því að þeir gætu staðið sig í námi og væru að gera rétt í starfi. Öflug endurgjöf hjálpaði nemendum að sjá tilgang í þeim aðferðum sem notaður voru til ígrundunar og náms í námskeiðinu og þeir sáu tilgang í að tengja fræði og starf með þessum hætti.

Eru munnleg próf málið?

Vera Kristín Vestmann Kristjánsdóttir, Aðjúnkt HA

Eftir að hafa verið með hefðbundið skriflegt lokapróf um árabil í Neytendahegðun ákvað undirrituð að prófa að breyta til og hafa þess í stað munnlegt lokapróf. Nemendur höfðu til þessa látið vita að þeim fyndist efnið mikið og að erfitt væri að undirbúa sig fyrir lokapróf. Námsmati áfangans var breytt, en áður vó lokapróf 65-70% af lokaeinkunn. Námsþáttum var fjölgað, verkefni vógu samtals 50% af lokaeinkunn og munnlegt próf 50%. En hvað fannst nemendum? Var betra að undirbúa sig fyrir munnlegt próf? Ef nemendur mættu velja, myndu þau frekar velja skriflegt eða munnlegt lokapróf?

Í erindinu segir undirrituð frá niðurstöðum rannsóknar, en spurningakönnun var send á alla nemendur sem tóku munnlega prófið. Svarhlutfall var 49%. 42% nemenda fannst þeim ganga betur að svara spurningunum á munnlega prófinu heldur en í skriflegu prófi. Eins og einn nemandi komst að orði: „Mér fannst mun auðveldara að koma frá mér því sem ég var að hugsa, heldur en að skrifa t.d. í ritgerðarspurningum.“ Heilt yfir gekk nemendum vel og stór hluti nemanda, 46%, sagði að ef þau mættu velja myndu þau velja munnlegt lokpróf en tæpur þriðjungur, 31%, myndi velja skriflegt lokapróf.

Eignarhald kennaranema í námsmati

Ívar Rafn Jónsson, Lektor HA og Sigríður Ingadóttir, Sérfræðingur HA

Í erindinu segjum við frá tilraunum okkar við að breyta og þróa námsmatið í námskeiðinu Kennsla, námsumhverfi og námsefni. Markmiðið með breytingunum er að virkja nemendur til þátttöku og að efla eignarhald nemenda í námsmatinu. Í erindinu segjum við meðal annars frá breyttum áherslum í tengslum við endurgjöf til nemenda og greinum frá upplifun nemenda af því að taka þátt í vinnu við að smíða matskvarða.

Að nota röng svör á prófum til að bæta kennslu og námsmat

Guðmundur T. Heimisson, Lektor HA

Rétt svör á fjölvalsspurningum segja okkur hvort nemandinn vissi svarið, en röng svör gefa upplýsingar um hvað nemandinn hélt. Röng svör eru vannýtt uppspretta upplýsingar um bæði nám og kennslu. Atriðagreining á fjölvalsspurningum með einföldum verkfærum getur leitt mun dýpri sannleika í ljós en margur hyggur. Í þessu erindi verða nokkrar einfaldar leiðir til atriðagreiningar kynntar og möguleikar til þróunar kennslu með notkun slíkra gagna ræddir.

Borð 7

Hvað hefur reynsla af verkefnamiðaðri kennslu í íþróttafræðum hefur kennt mér?

Sveinn Þorgeirsson, Háskólakennari HR

Áherslur verkefnamiðaðs náms (project-based) sem hvetja til virkar þátttöku nemenda við lausn raunverulegra verkefna eru taldar betri fyrir nemendur en “hefðbundnir” fyrirlestrar með kennarann í forgrunni (Fraser, 2015). Það er þó ekki átakalaust að taka upp nýja kennsluhætti og við blasa nýjar áskoranir sem kennarinn þarf að sjá fyrir og leysa úr. Í þessu erindi er fjallað um nokkrar af þeim áskorunum sem höfundur hefur ásamt samkennurum og nemendum unnið úr við kennslu þriggja verkefnamiðaðra áfanga í grunnnámi íþróttafræði við Háskólann í Reykjavík. Meðal helstu áskorana sem fjallað verður um er val á viðfangsefni, skipulag hópavinnu og námsmat. Farið verður yfir hvernig áfangarnir hafa tekið breytingum frá því þeir voru fyrst kenndir með áherslum verkefnamiðaðs náms út frá reynslu kennara og endurgjöf nemenda. Að lokum verður því velt upp hvers vegna það verður erfitt fyrir kennarann að fara til baka í fyrri kennsluhætti.

Efling og vöxtur eftir áfall (e. Post-traumatic Growth) - Hugmynd að námskeiði á framhaldsnámsstigi

Hulda Sædís Bryngeirsdóttir, Lektor HA

Í þessu erindi verður kynnt hugmynd að nýju námskeiði um eflingu og vöxt í kjölfar áfalla (e. post-traumatic growth). Námskeiðið er hugsað sem 10 eininga námskeið á framhaldsnámsstigi. Skilgreiningin á eflingu og vexti í kjölfar áfalla er eftirfarandi: Jákvæð sálfræðileg breyting eftir mikla erfiðleika og áföll, Aukinn persónulegur styrkur, Aukin ánægja í samböndum, Jákvæð breyting á lífssýn, Kemur auga á nýja möguleika, Lífsreynslan, þrátt fyrir að vera neikvæð í sjálfu sér, hefur þegar upp er staðið haft ákveðinn tilgang fyrir viðkomandi sem manneskju.
Hugtakið efling og vöxtur í kjölfar áfalla er lítið þekkt á Íslandi og hefur lítið verið rannsakað, þrátt fyrir mikilvægi eflingar og vaxtar fyrir þolendur áfalla af ýmsu tagi. Farið verður yfir forsögu hugmyndarinnar að námskeiðinu, helstu viðfangsefni námskeiðsins, tilgang þess, hæfniviðmið, fyrirkomulag og hugmyndir að námsmati. Í námskeiðinu verður lögð áhersla á að nálgast viðfangsefnið á þverfræðilegan hátt, þ.e. frá fjölbreyttum sjónarhornum svo nemendur geti tengt viðfangsefnið við ólíkar aðstæður og mismunandi starfsvettvang. Í námskeiðinu verður leitast við að stuðla að nýsköpun nemenda varðandi leiðir sem fólk getur farið til að vaxa og eflast eftir að hafa orðið fyrir áföllum.

Horft um öxl - þróun kennsluaðferða í síbreytilegu umhverfi

Ásta Margrét Ásmundsdóttir, Aðjúnkt

Í þessu erindi er horft til baka í tíma og skoðað hvernig samfélagsbreytingar eins og stytting framhaldsskóla, covid og tæknibylting geta hugsanlega haft áhrif á væntingar nemenda, undirbúning þeirra fyrir háskólanám og samfélagslegar aðstæður og þar með hvaða kennsluaðferðir henta best hverju sinni. Könnun á undirbúningi, væntingum og aðstæðum nemenda á fyrsta ári í efnafræði í auðlindadeild var gerð árin 2015-2016 og aftur árið 2024, sýna ákveðnar breytingar sem hægt er að hafa til hliðsjónar við þróun kennsluaðferða sem koma betur til móts við þarfir þeirra.

Úr viðjum ritgerða: Námsmat með frjálsri aðferð

Guðbjörg Hildur Kolbeins, Dósent HA

Nemendur með lesblindu eða aðra námsörðugleika eiga oft í erfiðleikum með að sýna fram á getu sína eða þekkingu með hefðbundnum ritgerðum. Algengt er að þeir fái utanaðkomandi aðstoð til að lesa ritgerðir yfir áður en þeim er skilað. Færa má því rök fyrir að annars konar námsmat geti mælt árangur nemenda betur. Ritgerðir eru auk þess yfirleitt mjög formfastar og lítið rými fyrir nemendur að vera skapandi í efnistökum.
Í erindinu verður greint frá reynslu kennara af að gefa nemendum frjálsar hendur með skil á verkefnum í námskeiðum við Háskólann á Akureyri og Háskólann á Bifröst á undanförnum áratug. Í ljós hefur komið að sumir nemendur eiga erfitt með að þora að stíga út fyrir þægindarammann og velja að skila ritgerð, ef það er í boði, meðan aðrir kjósa að skila verkefnum í formi kynninga, hlaðvarpa og myndbanda. Örfáir nemendur hafa nýtt tækifærið til að samþætta námsefni námskeiða við ljóða- og smásögugerð. Niðurstaðan er sú að með því að gefa nemendum val um í hvaða formi verkefni sé skilað sé hægt að láta reyna á aðra leikni hjá þeim en með textaskrifum eingöngu, og án þess að slegið sé af kröfum til þeirra eða lærdómsviðmiðum sérstaklega breytt.

Leitin að hinni ,,fullkomnu” verkefnalýsingu; Ferðalag í gegnum tilraunir og reynslu

Arnrún Halla Arnórsdóttir, Aðjúnkt HA

Undanfarin ár hefur skilningur og nálgun á framsetningu og þróun verkefnalýsinga þróast mikið. Með breytingum á fjölda stúdenta og auknum kröfum um skilvirkni, fjölbreytni og árangur í kennslu, hefur leitin að hinni „fullkomnu“ verkefnalýsingu orðið að áhugamáli hjá mér. Þetta erindi mun fjalla um þá sérstöku vegferð sem ég, sem háskólakennari, hef farið í gegnum í leitina að aðferðum og nálgunum sem skila bestu mögulegu niðurstöðum í skilgreiningu og framsetningu verkefnalýsinga. Undanfarin ár hef ég því farið í gegnum ferli sem fól í sér rannsóknir, tilraunir og endurmat á því hvernig best er að setja fram verkefnalýsingar í námskeiðunum Samskiptafræði og krefjandi atferlistruflanir og Vexti og þroska. Áherslan hefur verið lögð á að prófa mismunandi aðferðir, þ.m.t. samþættingu myndrænna og textabundinna útskýringa, ásamt notkun á sniðmáta og matskvarða. Ferðalagið hefur leitt í ljós nokkra lykilþætti sem eru grundvallaratriði í sköpun árangursríkra verkefnalýsinga, bæði fyrir stúdenta og kennara. Meðal annars hefur komið í ljós mikilvægi þess að vera skýr og nákvæmur í orðavali, sem og að hafa skilvirkt ferli til að uppfæra og endurskoða verkefnalýsingar reglulega. Það er von mín að með því að deila þessari reynslu, geti ég kveikt nýjar hugmyndir hjá öðrum kennurum er varðar verkefnalýsingar þannig að stúdentar fái sem mest út úr hverju verkefni.

16:15
Lokaorð