Velkomin(n/ð) á árlegu kennsluráðstefnu Kennslumiðstöðvar Háskólans á Akureyri

Smelltu á titil erindis til að hlusta á upptöku af því.

Smelltu hér til að opna svæði með öllum upptökum af erindum.

Dagskrá

13:15
Óskar Þór Vilhjálmsson setur ráðstefnu

13:20

Erindi frá nemendum

Sólveig Birna H. Elísabetardóttir, formaður SHA

13:30

Stafræn hæfniviðmið háskólakennara

Helena Sigurðardóttir, Valgerður Ósk Einarsdóttir og Bryndís Ásta Böðvarsdóttir hjá Kennslumiðstöð Háskólanum á Akureyri

13:45

Kynning á fyrirkomulagi

Fyrirkomulag ráðstefnunnar eru hringborðsumræður (e. Round table). Það verða tvær umferðir af hringborðsumræðum sú fyrri kl. 13:50 og seinni umferð kl. 15:00.

Hvert erindi er 15 mínútur, 10 mínútur í framsögu og 5 mínútur í umræður. Stjórnandi er á hverju borði sem sér til þess að skiptingar á milli erinda gangi snurðulaust fyrir sig.

13:50 Hringborðsumræður

Borð 1

Vettvangsnám lögreglufræðinema og stafræn korktafla (Padlet), hvernig fer það saman

Guðmundur Ásgeirsson, Aðstoðaryfirlögregluþjónn

Í erindi þessu verður framkvæmd starfsnáms í lögreglufræðum, fyrir verðandi lögreglumenn, kynnt og þá sérstaklega vettvangsnámið sjálft. Farið verður sérstaklega yfir uppbyggingu, hæfniviðmið og framkvæmd vettvangsnámsins sem er einn að lykilþáttum í grunnmenntun lögreglu. Stafræn korktafla (Padlet) var prófuð í fyrsta sinn nú í ár í tengslum við vettvangsnámið og verður kynnt hvernig tiltókst, útfrá sjónarhorni umsjónakennara, leiðbeinenda og nemenda. Þá verða dregnar saman niðurstöður m.t.t. hvað tókst vel við framkvæmdina í heild og hvað hefði mátt fara betur og þarf að lagfæra.

“Að njóta þess að vera í verknámi er eitthvað sem ég veit ekki hvað er” Erindi um breytingar á verkefnum í tengslum við klínískt nám í barnahjúkrun

Elma Rún Ingvarsdóttir, Aðjúnkt

Í erindinu verður fjallað um þær breytingar sem gerðar voru í barnahjúkrunarnámskeiðinu á verkefnum tengdum klíníska náminu. Farið verður yfir hvernig hugmyndin varð til og hvaða breytingar voru gerðar. Í lokin verður farið yfir hvernig til tókst og álit nemenda á námskeiðinu.

Hermikennsla hjúkrunarfræðinema við Háskólann á Akureyri og snjalltækni

Þórhalla Sigurðardóttir, Aðjúnkt

Mun kynna innleiðingu á nýrri tækni í hermikennslu hjúkrunarfræðinema hér við Háskólann á Akureyri. Til umfjöllunar verður REALITi360 sem er hjartasíriti og vaktari til að fylgjast með líðan sjúklings. Einnig verða til umfjöllunar tvær hlustunarpípur AURis sem hægt er að tengja rafrænt við tækið til að hlusta lungu, hjarta og kvið. Getur kennari stjórnað því sem nemendur heyra með IPAD. Í hermikennslu er leyfilegt að gera mistök og læra af þeim í leiðinni. Með innleiðingu á nýrri tækni er hægt að auka sjálftraust nemenda, færni í að meta líðan sjúklings og þjálfa sig betur í líkamsmati. Ég hef útbúið spurningar sem ætlunin er að bera undir nemendur til að meta ánægju þeirra með hermikennslu og líðan þeirra, einnig er ætlunin að kynna þær niðurstöður.

Áhrif Covid-19 faraldursins á líðan og nám hjúkrunar- og ljósmóðurnemenda við Háskólann á Akureyri og Háskóla Íslands

Margrét Hrönn Svavarsdóttir, Dósent, Hrund Sch. Thorsteinsson, Landspítala og Hjúkrunarfræðideild Háskóli Íslands, Jóhanna Bernharðsdóttir, Hjúkrunarfræðideild Háskóla Íslands og Landspítala, Erla Kolbrún Svavarsdóttir, Hjúkrunarfræðideild Háskóla Íslands og Landspítala, Birna G. Flygenring, Hjúkrunarfræðideild Háskóla Íslands, Herdís Sveinsdóttir, Hjúkrunarfræðideild Háskóla Íslands og Landspítala, Gísli Kort Kristófersson, Hjúkrunarfræðideild Háskólans á Akureyri

Markmið rannsóknarinnar var annarsvegar að lýsa áhrifum Covid-19 faraldursins á líðan og nám hjúkrunar- og ljósmóðurnemenda og hinsvegar að lýsa viðhorfum þeirra breytinga sem gerðar voru á námi þeirra á tímum faraldursins. Tekin voru alls fjögur rýnihópaviðtöl á vormánuðum 2021. Þátttakendur voru fimm nemendur í hjúkrunarfræði við Háskólann á Akureyri, fimm nemendur í hjúkrunarfræði við Háskóla Íslands (n=5) og fimm nemendur í ljósmóðurfræði við Hásóla Íslands (n=5). Niðurstöðurnar voru þemagreindar með Grundaðri kenningu af Rannsóknarmiðstöð Háskólans á Akureyri. Nemendurnir lýstu allir einmanaleika og sögðust hafa einangrast félagslega á tímum faraldursins, allt fór úr skorðum í náminu og óvissa og álag var ríkjandi. Stuðningur frá fjölskyldu og samnemendum var nemendunum mikilvægur en fáir voru meðvitaðir um aðstoð sem skólarnir buðu upp á. Upplifun nemenda af breyttum kennsluháttum var mismunandi en í bóklegu námi fundu þau fyrir tæknilegum áskorunum, bæði hjá sjálfum sér og kennurum. Í klínísku námi var hjúkrun sjúklinga þyngri, sérstaklega vegna lokunar deilda og námstækifæri breyttust. Nemendur voru undir miklu álag í námi og einkalífi á tímum Covid-19 en voru að mestu ánægð með hvernig skólarnir tókust á við áskoranir tengdar samkomutakmörkunum. Huga þarf betur að því að nýta betur ráðgjöf kennara og námsráðgjafa og kynna stuðningsúræði fyrir nemendum.

Borð 2

Nytsemi fjölbreytni í verkefnum fyrir raunverulega færniþjálfun stúdenta

Arnrún Halla Arnórsdóttir, Aðjúnkt

Alltaf er það stór spurning hvað stúdentar eiga að tileinka sér með þátttöku í hinum mismunandi námskeiðum í námi sínu. Hverju eiga þessi námskeið að skila til þeirra í raunverulegri færni? Er nóg að stúdentinn geti talið upp færniþætti sem til þarf til að framkvæma eitthvað ákveðið eða skiptir máli að viðkomandi skilji hvað býr að baki framkvæmdinni sjálfri. Hugsanauppeldi og viðhorfsaðlögun hljóta að þurfa að vera hluti af kennslu á háskólastigi. En hvernig er hægt að þjálfa nemendur í því? Höfundur leggur hér fram til kynningar hvernig fjölbreytt nálgun í fyrirlögðum verkefnum getur þjálfað meðvitund stúdenta um þá hugsun og viðhorf sem liggja að baki uppbyggingu fagmennsku. Í þessum fyrirlestri verður þjálfun huglægra færniþátta s.s viðhorfsaðlögun, skoðuð sem hugtak í ljósi verkefni úr námskeiðunum Samskipti og faglega tengsl sem stúdentar í hjúkrunarfræði, iðjuþjálfunarfræði og lögreglufræði og úr námskeiðinu Samskiptafræði og krefjandi atferilstruflanir sem er nýtt námskeið á fagnámsbraut starfandi sjúkraliða við Háskólann á Akureyri. Name: Utilization of diversity in projects for actual skills training of students It is always a big question what students should acquire by participating in the different courses in their studies. What should these courses bring to them in real skills? Is it enough for the student to be able to list the skills that are needed to carry out something specific or it is important that the person in question understands what is behind the implementation itself? Thinking education and attitude adjustment must be part of teaching at the university level. But how can students be trained in that? The author presents here how a diverse approach in submitted projects can train students' awareness of the thinking and attitudes behind the development of professionalism. In this lecture, the training of subjective skills, such as attitude adaptation, will be examined as a concept in the light of projects from the courses Communication and professional relations as students in nursing, occupational therapy, and police science and from the course Communication and Demanding Behavioral Disorders.

Hinir mjúku eiginleikar háskólakennarans

Birgir Jónasson, Lögreglustjóri og Aðjúnkt

Mitt erindi mun fjalla um hina mjúku eiginleika háskólakennarans. Nánar tiltekið mun ég fjalla um eiginleika er lúta að samskiptum, virðingu og dygðum en það eru þeir eiginleikar sem ég tel að eigi að vera í forgrunni hjá sérhverjum háskólakennara.

Erum við að gleyma að leggja áherslu á mjúkri færni í viðskiptafræði?

Vera Kristín Vestmann Kristjánsdóttir, Aðjúnkt, og Hafdís Björg Hjálmarsdóttir, Lektor

Haustið 2020 var farið af stað með verkefni sem ber yfirskriftina Vaken. Verkefnið er styrkt af Nordplus og því lýkur í vor. Kennarahópurinn sem samanstendur af Veru Kristínu, Hafdísi Björgu, ásamt kollegum frá Finnlandi, Danmörku og Eystrasaltsríkjunum hefur útbúið verkfærakistu sem nýtist bæði í skólastofu og í rafrænni kennslu. Verkfærakistan inniheldur tæki og leiðir til þess að þjálfa og meta mjúka færni nemenda. Haustið 2021 var verkferlið prófað í Óðinsvé með þátttöku 36 nemenda, þar af 6 frá Íslandi. Í erindinu munu Vera og Hafdís gera nánar grein fyrir verkefninu, prufukeyrslunni í Óðinsvé og gera grein fyrir upplifun nemenda sem var sérstaklega jákvæð. Nemendur unnu í blönduðum hópum að raunverulegu verkefni fyrir fyrirtæki sem þau heimsóttu. Þau kynntu lausnir sínar í tvígang og fengu endurgjöf frá forsvarsmönnum fyrirtækisins sem og kennurum. Í lok vikunnar var lögð fyrir könnun og er ánægjulegt að segja frá því að nemendur voru mjög ánægðir með að fá tækifæri til að taka þátt í þessari alþjóðlegu samvinnu.

Kennsla í íslensku sem öðru máli

Ingibjörg Sigurðardóttir, Aðjúnkt

Í fyrirlestrinum verður fjallað um þróun og áherslur í kennslufræði í tungumálakennslu með fókus á tjáskiptaaðferðina og menningarlega þætti. Rætt verður um máltileinkun og færniþættina fjóra sem eru annars vegar viðtökuþættir (hlustun og lestur) og hins vegar tjáningarþættir (tal og ritun) í samhengi við hugtökin ílag og frálag. Í þessu samhengi verður sérstaklega rætt um áherslur og áskoranir í námskeiðinu Íslenska sem annað mál sem er í boði fyrir erlenda skiptinema við Háskólann á Akureyri. Nemendurnir staldra yfirleitt stutt við og dvelja hér á landi í einungis eitt eða tvö misseri. Í fyrirlestrinum koma við sögu atriði eins og skyldleiki tungumála, tungumálakunnátta nemenda og áhugahvöt. Þá verður fjallað um markmið námskeiðsins og fjölbreytni kennsluaðferða, svo sem tjáskiptaverkefni innan kennslustofunnar og síðan „Íslenskuþorpið“ þar sem nemendur spreyta sig á því að beita tungumálinu úti í samfélaginu. Að lokum verður rætt í stuttu máli um hvaða leiðir hafi reynst árangursríkar varðandi námsmatið.

14:50 Hlé

15:00 Hringborðsumræður

Borð 3

Breytt kennslufyrirkomulag í Kennaradeild

Kristín M. Jóhannsdóttir, Lektor

Í janúar 2020 var samþykkt breyting á grunnnáminu í Kennaradeild HA; ákveðið var að hætta með vikulega kennslu í húsnæði skólans og taka þess í stað upp lotukennslu, svipaða þeirri sem lengi hefur verið viðhöfð í meistaranáminu. Nemendur myndu koma í lotu tvisvar á önn en þess á milli væru fyrirlestrar og annað efni sett inn á netið. Fjarnemum hafði sífellt fjölgað og staðnemum fækkað og því var oft þunnskipað í tímum, auk þess sem sífellt erfiðara var að koma til móts við fjarnema eftir að hætt var að gera kröfu um mætingu í rauntíma. Kennt var eftir þessu fyrirkomulagi frá og með hausti 2020 og því er komin svolítið reynsla á verkefnið, þó svo Covid hafi sett strik í reikninginn hvað varðar mætingu í lotur. Í þessum fyrirlestri er sjónum beint að kostum og göllum þessa fyrirkomulags út frá sjónarhorni kennara. Markmiðið er að meta hvort ánægja sé með breytingarnar og hvað mætti mögulega gera til þess að koma enn betur til móts við nemendur í þessu nýja kennsluumhverfi. Fyrstu niðurstöður sýna að skoðanir eru nokkuð skiptar en þó er almennt meirihluti fyrir því að halda sambærilegu kennslufyrirkomulagi áfram þótt rúm sér fyrir smávægis breytingar.

"Þetta er highlightið í mínu námi!" - Samvinna Eistlands og Íslands E-CBA´s

Hafdís Björg Hjálmarsdóttir, Lektor, og Vera Kristín Vestmann Kristjánsdóttir, Aðjúnkt

Undanfarna mánuði hafa Hafdísi Björgu og Veru Kristínu unnið með kollegum úr TTK háskólnum í Tallin Eistlandi. Kennarahópurinn hefur hannað verkefni (e. case) í samstarfi við fyrirtæki á Íslandi og í Eistlandi. Hópurinn hefur hist reglulega á zoom og haldið einn vinnufund á haustmánuðum í Reykjavík. Afrakstur vinnunnar eru verkefni sem voru unnin af nemendum í svokallaðri Study-Week, sem haldin var 4.-8. Apríl í Háskólanum á Akureyri. Nemendur unnu saman í blönduðum fimm manna hópum að lausn verkefna, þau heimsóttu fyrirtæki og fengu áhugaverða fyrirlestra á staðnum sem og í zoom. nemendur kynntu lausnir sínar á ensku og unnu einstaklega vel saman. Í lok vikunnar var lögð fyrir könnun þar sem spurt var út í upplifun þeirra, lærdóm og fengnar upplýsingar um það sem mátti betur fara og var mjög ánægjulegt að þeirra mati. Nemendur voru heilt yfir mjög ánægðir með vikuna, sögðust hafa lært mikið og voru þess fullviss um að þessi vika stæði uppúr í þeirra námi við háskólana. Verkefnið er styrkt af Uppbyggingarsjóði EES og Noregs (EEA og Norway grants).

Samfélagsspegill

Guðmundur Oddsson, Dósent

Félagslegur ójöfnuður er lykil þema í félagsfræðirannsóknum og kennslu. Hins vegar getur reynst snúið að kenna grunnnemum um félagslegan ójöfnuð, sér í lagi um efnahagslegan ójöfnuð. Í erindi mínu mun ég kynna hópverkefni þar sem notast er við niðurstöður spurningalistakönnunar meðal nemenda, opinber gögn og önnur megindleg gögn til þess að kenna nemendum um félagslegan ójöfnuð á Íslandi. Til þess að stuðla að gagnrýnum og uppbyggilegum umræðum um hvernig félagslegur ójöfnuður endurskapast milli kynslóða eru niðurstöður spurningalistakönnunarinnar bornar saman við opinber gögn frá Hagstofunni, Forsætisráðuneytinu o.s.frv. Reynslan sýnir að verkefnið hvetur til umræðna og hjálpar til við að gera félagslegan ójöfnuð „áþreifanlegri“ fyrir nemendum. Hópverkefnið byggir á reynslu minni af hópverkefnum í hefðbundinni staðarkennslu við Norður Michigan-háskóla og hópverkefni í staðarlotum í sveigjanlegu námi við Háskólann á Akureyri.

Aðgengi að háskólanámi án mismununar og til jafns við aðra – Rannsóknaráætlun

Sigrún Kristín Jónasdóttir, Lektor

Í Samningi sameinuðu þjóðanna um réttindi fatlaðs fólks og í stefnu íslenskra stjórnvalda er lögð áhersla á algilda hönnun og tækifæri til þátttöku fatlaðs fólks í námi til jafns við aðra. Rannsóknir sýna þó að fatlaðir nemendur í háskólanámi upplifa ýmsar hindranir í háskólaumhverfinu sem geta haft áhrif á tækifæri þeirra til að fara í gegnum námið á árangursríkan hátt. Enn fremur sýna erlendar heimildir að fatlað fólk upplifir erfiðleika þegar kemur að því að fara í vettvangsnám í starfsréttindanámi. Lítið er þó vitað um hvernig betur má styðja við þennan hóp bæði innan háskólanna, sem og á vettvangi. Í þessu erindi er ætlunin að kynna áætlaða rannsókn til að kanna hvernig ýmsir þættir í háskólaumhverfi fatlaðra nemenda ýmist hindra eða ýta undir þátttöku þeirra í námi til jafns við aðra. Með þessari rannsókn viljum við varpa ljósi á hvernig háskólasamfélagið getur útfært námstækifæri og þjónustu sína í anda algildrar hönnunar svo þörfum sem flestra nemenda sé mætt og mannréttindi fatlaðra nemenda í háskólanámi séu virt.

Borð 4

Krossapróf - bestu aðferðir

Kristín Linda Hjartardóttir, Lektor

Þegar krossapróf eru eina valið, hvernig semjum við spurningar sem mæla þekkingu aðra en minni og utanbókarlærdóm. Reynsla úr klásus.

Kostir og gallar fjölbreytts námsmats

Nanna Ýr Arnardóttir, Lektor

Aukin krafa hefur verið um það frá deildum háskólans og nemendum að minnka vægi lokaprófa í áföngum. Fjölbreyttara námsmat krefst aukinnar vinnu á kennara námskeiðanna sem endurspeglast ekki í breytingum á kennslueiningum námskeiðanna á móti. Er sanngjarnt að námskeið sem felur í sér 80 til 100% lokapróf, innihaldi jafn margar kennslueiningar fyrir kennara og námskeið sem felur í sér t.d. 50% lokapróf, nokkur kaflapróf og aðra matsþætti? Aftur á móti eru nemendur almennt ánægðari með fjölbreytt námsmat og að þurfa ekki að taka stór lokapróf sem ef til vill endurspeglar ekki þekkingu þeirra nógu vel. Mig langar að velta upp þeim leiðum sem hægt er að nýta til að koma til móts við kröfur um fjölbreyttara námsmat. Er kominn tími á að flokka námskeið nánar eftir námsmatsaðferðum? Er hægt að nota aðstoðarmannakerfið enn betur?

Streitustjórnun lögreglumanna (iPrep)

Logi Jes Kristjánsson, Lögreglufulltrúi, Guðmundur Ásgeirsson, Sverrir Guðfinnsson og Gunnar Scheving Thorsteinsson

Ég mun fjalla um þjálfunarkerfi í streitustjórnun, eða iPrep, sem hefur verið kennt við MSL síðustu þrjú árin. Þetta kerfi hefur verið kennt og notað af lögreglumönnum um allt land í um áratug.

Þróun og notkun matskvarða í námsmati

Guðmundur Engilbertsson, Lektor

Niðurstöður ýmissa rannsókna hafa leitt í ljós hversu mikilvægt er að kennarar hagi kennslu þannig að markmið náms séu nemendum sem ljósust, viðmið um árangur sem skýrust og leiðsagnarmat nýtt sem best í þágu náms. Það stuðlar að meiri gæðum náms. Í erindinu verða tekin dæmi um hvernig höfundur hefur reynt að þróa kennslu sína með áðurnefnda þætti að leiðarljósi. Einkum verður fjallað um hvernig kennari hefur leitast við að skýra hæfniviðmið og beita leiðsagnarmati í tengslum við verkefnavinnu nemenda og hvernig matsviðmið, matsrammar og matskvarðar af ýmsu tagi hafa nýst til stuðnings í námi. Meginniðurstaða höfundar er að markviss notkun matsverkfæra af þessu tagi skerpi bæði sýn kennara og nemenda á hæfniviðmið náms og viðmið um gæði og beinir sjónum að þeim væntingum sem gerðar eru til námsins og frammistöðu nemenda. Auk þess að nýtast sem leiðsögn í náminu hefur notkun matskvarða og -ramma dregið úr margs konar núningi vegna námsmats af þeirri ástæðu að nemendum verður betur ljóst hvers vænst er af þeim. Sýnd verða dæmi um ramma, gátlista og kvarða sem höfundur hefur þróað og nýtt sér í kennslu (og þróunarstarfi) – bæði við leiðsagnarmat og lokamat – og hvernig það hefur nýst kennurum og kennaranemum.

16:05

The Dilemma with Prior Knowledge: The More You Know, the More You Learn

Dr. Olivia Vrabl

Prior knowledge is regarded as one of the most influential factors for learning and can decide on success or failure during the process of understanding. An average group of students, however, is generally regarded as being heterogeneous in many respects including prior knowledge. Some students have more prior knowledge at the beginning of the semester than others, and thus have an advantage, while some students struggle during the entire semester and might not catch up at all. As a side effect, by actively addressing prior knowledge (and the lack of), teachers foster independent learning.

This talk covers neurodidactic findings as well as practical implications for courses at university. As a side effect, by actively addressing prior knowledge (and the lack of), teachers create independent and responsible learners.

16:35
Lokaorð