Velkomin(n/ð) á árlegu kennsluráðstefnu Kennslu- og upplýsingatæknimiðstöðvar Háskólans á Akureyri

Smelltu á titil erindis til að hlusta á upptöku af því

Smelltu hér til að opna svæði með öllum upptökum af erindum

Dagskrá

Hlaða niður PDF skrá af dagskránni

13:00
Dr. Elín Díanna Gunnarsdóttir, aðstoðarrektor Háskólans á Akureyri, setur ráðstefnuna

13:05

Erindi frá stúdentum Háskólans á Akureyri

Sólveig Birna Elísabetardóttir, forseti Stúdentafélags Háskólans á Akureyri

13:15

Hagnýting mállíkana í kennslu, tækifæri og áskoranir

Hafsteinn Einarsson, Lektor

Í þessu erindi verða stór myndandi mállíkön kynnt og farið yfir nokkur dæmi um hagnýtingu þeirra í kennslu. Farið verður yfir hvernig hægt er að nota mállíkön til að bæta glærur, búa til dæmi og jafnvel semja próf upp úr efni í kennslubók. Einnig verður farið yfir hvers ber að gæta við hagnýtingu mállíkana.

13:45

Kynning á fyrirkomulagi

Fyrirkomulag ráðstefnunnar eru hringborðsumræður (e. Round table). Það verða tvær umferðir af hringborðsumræðum sú fyrri kl. 13:50 og seinni umferð kl. 15:00.

Hvert erindi er 15 mínútur, 10 mínútur í framsögu og 5 mínútur í umræður. Stjórnandi er á hverju borði sem sér til þess að skiptingar á milli erinda gangi snurðulaust fyrir sig.

13:50 Hringborðsumræður

Borð 1

Hermikennsla hjúkrunarfræðinema á 1. og 2. ári við Háskólann á Akureyri

Kolbrún Sigurlásdóttir, Aðjúnkt

Fjallað verður um hermikennslu hjúkrunarfræðnema á 1. og 2. ári við Háskólann á Akureyri. Tekið verður fyrir hvernig hermikennslan hefur þróast hjá þessum tveimur árum á undanförnum árum. Til umfjöllunar verður hvernig við notum REALITi360 hjartasírita til að gera aðstæður eins raunverulegar og hægt er. Farið verður yfir hvernig við notum myndavélar til að draga úr utanaðkomandi truflun fyrir hjúkrunarfræðinemana sem eru vinna með tilfellið. Hermikennsla getur aukið sjálfstraust nemanda og að meta færni þeirra um líðan sjúklings.

Hermikennsla - geðrænt mat og greining – kynning á þróunarverkefni í kennslu - notkun leikara í hermikennslu

Kristín Linda H. Hjartardóttir, Lektor, og Þórhalla Sigurðardóttir, Aðjúnkt

Haustið 2022 var sameiginleg námsleið MS nám í geðhjúkrun skipulögð samkvæmt samningi á milli Háskóla Íslands og Háskólans á Akureyri. Að námi loknu útskrifast nemendur með sameiginlega gráðu frá HÍ og HA. Í náminu er lögð áhersla á að auka klíníska þekkingu og færni nemenda, fagmennsku og rannsóknarfærni. Teknir voru inn í námið 12 nemendur. Hermikennsla er kennd í lotum við HA. Merrie Kaas prófessor við University of Minnesota hafði yfirumsjón með námskeiði fyrir leikara í hermikennslu hér við HA. Alls mættu sex leikarar úr áhugamannaleikhúsum hér á Eyjafjarðasvæðinu á námskeið og fengu fræðslu og kennslu um tvö tilfelli sem tekin voru fyrir, þunglyndi og geðhvarfasjúkdóm. Leikarar fengu afhent tvö handrit þar sem fram komu bakgrunnsupplýsingar, saga veikinda, fyrri saga, útlit, hegðun og viðmót. Einnig mögulegar spurningar sem nemendur líklega spyrja, bakgrunnur og fjölskyldusaga. Nemendur fengu stutta samantekt á tilfellunum fyrir hermikennslu. Kennt var í sex kennslustofum, tveir nemendur, einn kennari og einn leikari í hverri stofu og tvö tilfelli keyrð. Fengu nemendur 50 mínútur til að taka hvort greiningarviðtalið fyrir sig. Eftir hvort viðtal var viðrun nemenda með leikara og einnig með kennara og farið yfir það sem vel var gert og hvað hefði mátt gera betur. Eftir hermikennslu var lögð könnun fyrir nemendur með eiginlegum og megindlegum spurningum, alls svöruðu 11 af 12 nemendur könnunni. Einnig verður farið yfir helstu niðurstöður könnunnarinnar á ráðstefnunni.

Simulation, Technology and Reflection

Jette Mebrouk, Lektor, og Hafdís Skúladóttir, Dósent

Although simulation is used in a variety of educational programs, healthcare-related educational programs have given this teaching strategy special attention. There are different definitions of simulation, though with common foundational elements, such as: creation of hypothetical opportunities; authentic representation; active participation; integration, repetition, evaluation, and reflection.
Simulation provides suitable approaches in the teaching-learning process at different levels. It is especially suited to bridge the gap between theory and practice. It provides a safe venue to train communication, procedures, and clinical decision making. It also assists students in becoming ready for the clinical responsibilities, which they will face in their clinical placement.
Educators need to work and develop each of these elements to fit the learning needs of their students. In this presentation we will share our experience from simulation with 3rd year nursing students in regards to i) progression of authentic representation, from playing patients themselves to caring for actors who play the roles as patients, ii) utilization of technology, i.e. video streaming to increase the student's active participation, and iii) implementation of reflection in two stages, where students engage in joint reflection in the debriefing, followed by an individual written reflection of what they gained from the simulation.

Teymisvinna og samskipti í bráðaaðstæðum

Elma Rún Ingvarsdóttir, Aðjúnkt, og Hrafnhildur Lilja Jónsdóttir, Lektor

Hermikennsla er algeng aðferð í heilbrigðismenntun, hún býður uppá þjálfun í færni s.s. samskiptum, ákvarðanatöku, teymisvinnu auk þjálfunar í klínískri færni án þess að stofna sjúklingnum í hættu (Reime, 2017).

Haustið 2022 var í fyrsta skipti keyrð saman hermikennsla í tveimur námskeiðum á 4. námsári, bráðahjúkrun og barnahjúkrun, við hjúkrunarfræðideild HA. Námsmarkmið voru þau sömu og áður höfðu verið í bráðahjúkrun “teymisvinna, samskipti, og klínísk skoðun ”, Nemendur vinna í 4-5 manna hópum, annars vegar að gerð tveggja handrita á klínísku bráðatilfelli í samræmi við námsmarkmið, þar sem fram komu nauðsynlegar upplýsingar fyrir tilfelli í hermikennslu. Annað handritið er á fullorðnum einstakling en hitt á barni. Höfundar handritsins skiptu sér í fjögur mismunandi hlutverk þ.e. hlutverk sjúklings, aðstandanda, rýnis eða leikstjórnanda. Hópur samnemenda var síðan í hlutverki hjúkrunarfræðinga er önnuðust sjúkling. Í lok hermikennslunnar rýndu síðan nemendur með hjálp kennara saman í tilfellið.

Tekin var ákvörðun um að samkeyra hermikennsluna í þessum áföngum til reynslu til að gera hermikennsluna heildrænni í stað þess að keyra styttri hermikennslu tvisvar sinnum á sama misseri.

Í erindinu verður fjallað um samkeyrslu hermikennslu í þessum tveimur námskeiðum síðastliðinn vetur og hvernig því var háttað. Farið verður yfir hvernig til tókst og hver næstu skref verða.

Borð 2

Hvernig er best að þjálfa mjúka færni hjá nemendum í viðskiptafræði – niðurstöður úr rannsókn kynntar

Vera Kristín Vestmann Kristjánsdóttir, Aðjúnkt, og Hafdís Björg Hjálmarsdóttir, Lektor

Verkefnið Vaken, styrkt af Nord-plus, hóf göngu sína haustið 2020 og lýkur nú í vor 2023. Verkefnahópurinn samanstendur af Veru Kristínu, Hafdísi Björgu ásamt kollegum frá Finnlandi, Danmörku og Eystrasaltsríkjunum. Þau hafa á þessum tíma útbúið verkfærakistu sem nýtist jafnt í skólastofu sem og í rafrænni kennslu. Verkfærakistan inniheldur tæki og leiðir til þess að þjálfa og meta mjúka færni nemenda. Verkferlið var prufukeyrt í Óðinsvé 2021, og fínpússað eftir þá reynslu. Síðan fór fram keyrsla á verkferlinu í Helsinki, Kaunas og Akureyri 2022. Nemendur frá öllum verkefnalöndunum tóku þátt, að meðaltali 6 frá hverju landi. Nemendur unnu í blönduðum hópum að lausn ákveðins verkefnis frá fyrirtæki sem þau heimsóttu og fengu endurgjöf frá á meðan að á vinnunni stóð. Í lok hverrar viku var framkvæmd könnun til þess að meta hvernig til tókst og hvort að nemendur hefðu bætt frammistöðu sína í mjúkri færni. Áhugaverðar niðurstöður komu fram, m.a. var bætingin einna mest hjá hópnum sem heimsótti Ísland. Kvikmyndatökumaður frá Danmörku kvikmyndaði ferlið á Íslandi og útbjó hálftíma heimildarmynd um vinnuna. Á ráðstefnunni er ætlunin að segja frá niðurstöðum kannana af vinnu nemenda og einnig að sýna bút úr heimildarmyndinni.

Að nálgast nemendur út frá þeirra aðstæðum

Hjördís Sigursteinsdóttir, Dósent

Í erindi mínu þá hyggst ég kynna breyttar kennsluaðferðir í námskeiðum mínum þar sem hefðbundin kennsla og verkefni hafa vikið fyrir blönduðum kennsluháttum í því augnamiði að ná til og virkja betur nemendur sem í langflestum tilvikum eru ekki á staðnum. Í kennslunni er notast við upptökur á fyrirlestrum og boðið upp á upprifjunar- og umræðutímum þar sem nemendur eru skyldugir til að mæta og taka þátt í umræðum og verkefnavinnu. Þessir upprifjunartímar eru bæði á Teams og í stofu á mismunandi tímum til að koma til móts við aðstæður nemenda til náms. Í námskeiðunum er mikið lagt upp úr að nemendur beiti margvíslegum aðferðum við verkefnavinnuna þar sem sköpunargáfan fær að njóta sín en þó einnig lögð áhersla á fræðileg vinnubrögð.

Mikilvægi verklegrar kennslu í sjávarútvegsfræði

Magnús Víðisson, Aðjúnkt

í erindinu verður fjallað um verklega kennslu í námskeiðum í sjávarútvegsfræði. Hvers vegna er verið að fá nemendur til að mæta á staðinn til að taka þátt í verklegri kennslu? Í lotum þurfa nemendur meðal annars að flaka, mæla fisk, taka botnsýni, nota mismunandi veiðarfæri. Fjallað verður um hvernig kennslan fer fram, skipulag og upplifun.

„Ég vil koma í lotu“ – um áhugahvöt og samþættingu í staðlotum

Brynhildur Bjarnadóttir, Dósent

Krafa háskólanema um að þurfa ekki að mæta í staðlotur verður sífellt háværari. Sveigjanlegt námsfyrirkomulag hefur opnað ýmsa nýja og áhugaverða vinkla í kennslu en líka haft þau áhrif að erfiðara reynist að fá nemendur á staðinn í hefðbundnum staðlotum. Sem háskólakennari spyr ég mig stöðugt að því hvernig ég geti gert námið í staðlotum það áhugavert að nemendur líti ekki á það sem kvöð að þurfa að mæta, heldur horfi til þess með gleði og áhuga að mæta í staðlotur. Ég hef unnið markvisst að því að efla áhugahvöt nemenda, velja viðfangsefni í lotum sem eru þess eðlis að þau eru ekki leysanlegt í gegnum netheima og unnið mikið með samþættingu námsgreina. Í erindi mínu mun ég segja frá því hvernig ég byggi upp nám í staðlotum og hvaða aðferðir hafa reynst mér vel í tengslum við að efla áhugahvöt nemenda í staðlotum.

Borð 3

Encouraging engagement in a synchronous hybrid learning environment with a series of well-planned murders

Peter Shepherdson, Dósent

In flexibly-taught courses that make use of occasional synchronous sessions (e.g., staðlotur), assessment is often used to promote student attendance at and participation in these sessions. However, in courses where external constraints prevent the use of assessment in this way, instructors must use alternative methods to motivate engagement. Here I describe an example from a large-scale first year history of psychology course in which I created a historically-informed "murder mystery" that students had to try to solve in a team-based competition. The mystery, set at the International Congress of Eugenics in 1920s New York City, had students learn about and interact with historical persons and ideas, use the knowledge they gained to help solve the murder(s), and in doing so develop a better understanding of the role psychology and psychologists played in the eugenics movement in the early 20th century. Spontaneous feedback from student participants suggested that they found the exercise both enjoyable and educational, though unfortunately I neglected to systematically collect data on its efficacy. This experience suggests that such a carefully-planned exercise can be intrinsically motivating for students, without the need for the carrot (or stick) of assessment to encourage participation.

Using Games for Distance Teaching in Fisheries Economics Courses

Thanh Viet Nguyen, Lektor

This presentation will focus on the experience of using games for distance teaching in fisheries economics courses. I will begin by introducing myself and my course, and explaining why I decided to incorporate games into my teaching. I will then discuss the benefits of using games for distance teaching, such as promoting engagement, active learning, and collaboration, and provide examples of how these benefits were realized in my course. The presentation will also cover the game selection and implementation process, and include student feedback about their experience with the games. Results and findings related to student performance, engagement, and knowledge retention will be presented and discussed, along with any limitations and potential areas for future research.

Project-based learning in media & communication

Gordon Neil Ramsay, Dósent

A summary of the redevelopment of a traditional academic course syllabus in the BA Media Studies programme at the University of Akureyri, with reflections on the implementation of a project-based course structure incorporating student input into the syllabus and a shift to continuous assessment with an unfamiliar role for the teacher as guide and advisor rather than gatekeeper and rule-maker.

Trial simulation as Law Teaching method: how students react to practice into their learning process

Sara Fusco, PhD student

The presentation concerns the role of procedural practice in the process of learning legal concepts. In purely theoretical academic studies, procedural simulation seems to have a decisive role in the development of analytical skills. This approach was adopted during the 2022-2023 academic year in the European Convention of Human Rights course offered by the Faculty of Law at the University of Akureyri.
This approach was suitable for telepresence robot attendance. It was found that the students who took part in the simulation developed a deeper understanding of jurisdictional procedures and broader attention to legislative provisions. Furthermore, procedural simulation offers the opportunity to develop and work on skills that are not possible solely with theory: the argumentation, the preparation of the debate, the admission of evidence and the expression of critical reasoning and defending own positions even in the circumstance of discordance between client and defender’ ethical and political opinions.

14:50 Hlé

15:00 Hringborðsumræður

Borð 4

Samtvinnun bóklegs og verklegs náms á Canvas

Eyrún Eyþórsdóttir, Lektor

Námskeiðið Samskipti lögreglu er eitt af námskeiðum sem kennd eru á námsbraut í Lögreglufræði við HA og samtvinna bóklegt efni og verklegar æfingar. Í byrjun árs 2023 var Canvas síða námskeiðsins breytt með þeim hætti að hún rúmar, til viðbótar við fræðilegt efni, að hluta til verklega hlutann sem kenndur er við Mennta- og starfsþróunarsetur lögreglunnar og í lotu við HA. Í fyrirlestrinum er ætlunin að fara yfir canvas síðu námskeiðsins með það að markmiði að greina hvað vel tókst til og hvaða annmarkar komu í ljós. Jafnframt er ætlunin að fjalla um þá framtíðarsýn sem sköpuð hefur verið fyrir námskeiðið og með hvaða hætti Canvas getur uppfyllt slíka sýn.

Breytt skipulag vettvangsnáms í nýrri námsskrá í iðjuþjálfun: Námssamfélag á netinu og stuðningur veið leiðbeinendur

Hulda Þórey Gísladóttir, Aðjúnkt, Hafdís Hrönn Pétursdóttir, Verkefnastjóri vettvangsnáms í iðjuþjálfun, og Hólmdís Freyja Methúsalemsdóttir, Aðjúnkt

Í iðjuþjálfunarfræðideild var byrjað að kenna eftir nýrri námsskrá haustið 2017. Námið breyttist úr því að vera fjögurra ára nám sem lauk með BS.c. gráðu yfir í tvær námsleiðir, annars vegar þriggja ára nám í iðjuþjálfunarfræði til BS gráðu og eins árs námi í Iðjuþjálfun sem lýkur með viðbótardiplóma gráðu á meistarastigi. Í erindinu verður fjallað um breytingar sem urðu á skipulagi vettvangsnáms í nýrri námsskrá. Lögð var áhersla á að byggja upp námssamfélag á netinu með áherslu á samvinnu og tengsl á milli nemenda, leiðbeinenda, og leiðsagnarkennara, auk umsjónakennara og verkefnastjóra vettvangsnáms. Markmiðið með nýja fyrirkomulaginu var m.a. að veita nemendum aukinn stuðning til að tengja hugmyndafræði iðjuþjálfunar við starf á vettvangi með því að veita markvissa vikulega leiðsögn í hópum. Einnig var lögð áhersla á að veita leiðbeinendum fullnægjandi upplýsingar og stuðning. Í erindinu verður velt vöngum yfir árangri af breyttu skipulagi, fjallað um reynslu starfsfólks af því og frumniðurstöður úr rýnihóparannsókn þar sem tekin voru viðtöl við leiðbeinendur.

“Má ég koma aftur með?” Samvinna Eistlands og Íslands E-CBA – niðurstöður árangursríks samstarfs kynntar

Hafdís Björg Hjálmarsdóttir, Lektor, og Vera Kristín Vestmann Kristjánsdóttir, Aðjúnkt

Hafdís Björg Hjálmarsdóttir og Vera Kristín Vestmann Kristjánsdóttir, hafa nýlokið verkefni sem unnið var með kollegum úr TTK háskólanum í Tallinn Eistlandi. Kennarahópurinn hannaði verkefni (e. case) í samstarfi við fyrirtæki á Íslandi og í Eistlandi. Kennarahópurinn hittist reglulega í zoom, tók þess á milli viðtöl við forsvarsmenn fyrirtækja í þeim tilgangi að hanna verkefnin. Einn vinnufundur var haldinn í Reykjavík. Nemendur unnu svo að lausn verkefnanna í Study Week. Nemendur frá Tallinn komu til Akureyrar 4.-8. apríl 2022 og sama ár í september fóru Hafdís og Vera með nemendur til Tallinn, þar sem haldin var Study- Week, fyrirtæki heimsótt og unnið að verkefnum í blönduðum hópum. Í lok hvorrar viku var lögð fram könnun til þess að komast að því hvernig nemendum fannst að vinna með þessum hætti. Í fyrri study week komu fram góðar ábendingar sem nýttust við útfærslu vikunnar í Tallinn. Mjög ánægjulegt er að segja frá að mjög jákvæðar niðurstöður komu fram bæði í apríl og september, sem hvetja kennara til þess að vinna áfram með þessum hætti.

Borð 5

Hands-on active learning using the statistical software package Jamovi

Eva Charlotte Halapi, Dósent

RAT (Research methods and statistical analysis) is a mandatory course for most students at UNAK. Unfortunately, over the years, RAT has been one of the least-liked courses at UNAK, with a high drop-out or fail percentage. Statistics is a complex subject with many technical terms and requires students to have good mathematical fundamentals. So how do you teach introductory statistics to several hundred students with different backgrounds and study programs in a flexible learning environment?
Our vision was to emphasize hands-on learning rather than lectures on the mechanics of statistical methods, the theory of probability, and mathematical statistics. Weekly lectures (on Zoom or recording) are followed up by Zoom/classroom sessions, where students practice data handling and statistics with relatively large datasets using Jamovi. This free statistics software offers similar analytical capabilities as SPSS. Jamovis layout and output are also easier to understand for novice users. Shorter videos from these sessions are available for students who choose to be flexible in time or want to repeat the examples from the practice sessions. The combination of hands-on learning, user-friendly software and access to explanatory videos has allowed for increased proficiency and understanding of statistics by removing some of the complexity.

Aðlögun kennslustofu að sveigjanlegu námi – Samvinna er lykillinn!

Hörður Sævaldsson, Lektor

Háskólann á Akureyri hefur boðið upp á staðar- og fjarnám frá árinu 2002. Framan af þurftu nemendur að mæta í fyrirlestra í kennslustofur HA eða í fjarnámsmiðstöðvar. Tækni til miðlunar námsefnis hefur fleygt fram síðasta áratug og eru fyrirlestrar nú sendir út í beinni útsendingu á netinu. Samtímis hefur nám við HA verið skilgreint sem sveigjanlegt nám, þ.e. óháð landfræðilegri staðsetningu og stund. Töluverðar áskoranir hafa fylgt þessari umbreytingu fyrir fyrirlesara, nemendur sem og stoðþjónustu. Breyttri miðlun kennsluefnis fylgir oft ný tækni, sem krefst sérhæfðra tækniþjónustu og fræðslu frá stoðdeildum. Í erindinu verður farið yfir samvinnu fyrirlesara og stoðþjónustu um þróun á hefðbundinni kennslustofu að sveigjanlegu námi. Lagt var upp með að hámarka upplifun nemenda í fyrirlestrum og þeir ættu ekki að líða fyrir landfræðilega staðsetningu. Fjöldi áskorana kom upp í ferlinu en þær voru leystar jafnharða í góðri samvinnu við stoðþjónustu sem naut stuðnings yfirstjórnar skólans. Endurbættar stofur sönnuðu klárlega gildi sitt á Covid-19 tímum, kennsla hélst að mestu óbreytt, en nemendur fluttu samskipti við fyrirlesara úr kennslustofu yfir í netheima.

Leikjavætt jafningjamat

Freyja Thoroddsen Sigurðardóttir, Háskólakennari og rannsakandi

Erindið er dæmisaga úr námskeiðinu Gerð markaðsáætlunar, sem var kennt vorið 2023. Hluti af námsmatinu var leikjavætt jafningjamat sem var ætlað að ýta undir virkni nemenda, bæta leiðsagnarmat í námskeiðinu og þjálfa gagnrýna hugsun. Eftir að verkefnið var kynnt vandlega fyrir nemendum voru væntingar þeirra til verkefnisins kannaðar, í lok annarinnar svöruðu nemendur þá ítarlegri könnun til að meta árangur verkefnisins og fá innsýn inn í upplifun nemenda. Hér verður fjallað um verkefnið í heild sinni (framkvæmd og markmið), hindranir sem komu upp yfir önnina, upplifun nemenda og kennara, lærdóm sem má draga af þessari tilraun, og næstu skref.

Aðstæðubundin afbrot og afbrotavarnir

Guðmundur Oddsson, Dósent

Virkt nám (e. active learning) er hvað besta kennslunálgunin til að gera fræðin áþreifanlegri fyrir nemendur. Í erindi mínu kynni ég hópverkefni í anda virks náms þar sem nemar í diplómanámi fyrir verðandi lögreglumenn kortleggja aðalbyggingu Háskólans á Akureyri með tilliti til afbrotavarna (e. crime prevention). Besta löggæslan er nefnilega að koma í veg fyrir afbrot. Verkefnið byggir kenningunni um aðstæðubundin afbrot (e. routine activity theory) (Cohen og Felson, 1979). Í samræmi við kenninguna er nemendahópnum skipt upp í smærri hópa og þar annar hluti hvers hóps fær hlutverk einbeittra brotamanna (e. motivated offenders) en hinn tekur sér hlutverk hæfra varðmanna (e. capable guardians). Verkefnið felst svo í því að báðir hóparnir fara um bygginguna með viðeigandi gögn og auðkenna nokkra staði þar sem líklegast er að afbrot eigi sér stað (e. suitable targets) út frá fyrrnefndri kenningunni. Loks bera hóparnir saman bækur sína og leggja til hvernig bæta megi afbrotavarnir með því að auka megi fyrirhöfn við að fremja umrædd afbrot (e. target hardening). Nemendur hafa bæði gagn og gaman af verkefninu sem hefur gefið góða raun.

16:00
Lokaorð